ഗൃഹനിർമ്മാണത്തിലെ പരമപ്രധാനമായ കാര്യമാണ് പ്രവർത്തിപരിചയവും, ഗുണമേന്മയും, സത്യസന്ധതയും പുലർത്തുന്ന ഒരു കോൺട്രാക്ടറെ കണ്ടെത്തുക എന്നുള്ളത്. സത്യസന്ധത എന്നുള്ളത് അടിവരയിട്ട് പറയേണ്ട കാര്യമാണ്.

ഇതിന് കാരണം ഈ ഘട്ടത്തിലാണ് മിക്കവാറും ആളുകൾ ചൂഷണം ചെയ്യപ്പെടുന്നത്. നിങ്ങൾ കഷ്ടപ്പെട്ടുണ്ടാക്കിയ ധനം ആണ് നിർമ്മാണത്തിനായി ചിലവഴിക്കുന്നത്. അത് ഒരിക്കലും വെറുതെ പാഴായി പോകരുത്.

ഒരു കോൺട്രാക്ടറെ കണ്ടെത്തുമ്പോൾ നമ്മൾ മനസ്സിൽ കരുതേണ്ട കാര്യങ്ങൾ ഇവയൊക്കെയാണ്.

1. കോൺട്രാക്ടർ മുൻപ് പണിതീർത്ത പ്രോജക്ടുകളെ കുറിച്ച് വിശദമായി മനസ്സിലാക്കുക, പഠിക്കുക.
2. വിദഗ്ധനായ, പ്രവർത്തന പരിചയം ഉള്ള എൻജിനീയറുടെ നേതൃത്വത്തിൽ ആണോ ജോലി നടത്തുന്നത് എന്ന് ഉറപ്പുവരുത്തുക.
3. അത്യന്തം ഗുണനിലവാരമുള്ള മെറ്റീരിയൽസ് ആണോ നിർമ്മാണ പ്രവർത്തനങ്ങൾക്ക് ഉപയോഗിക്കുന്നത് എന്ന് വ്യക്തത വരുത്തുക, ഒപ്പം നിർമിതിയിലെ ഗുണനിലവാരവും.
4. കൃത്യസമയത്ത് ഗൃഹനിർമാണം പൂർത്തീകരിക്കുന്നതിന് ഗ്യാരണ്ടി തരുന്നുണ്ടോ എന്ന് അന്വേഷിക്കുക.
5. മുൻപ് ഈ കോൺട്രാക്ടർ ഏറ്റെടുത്ത പ്രോജക്ടുകളുടെ ക്ലയന്റ് ഫീഡ്ബാക്ക്
പരിശോധിക്കുക.
6. സുതാര്യമായ ഇടപെടലുകൾ ആണോ ഈ കോൺട്രാക്ടർ നടത്തുന്നത് എന്ന് അറിയുക. ഒപ്പം ഉറപ്പിച്ച തുകയ്ക്ക് പ്രോജക്ട് തീർക്കുന്നുണ്ടോ എന്നും അന്വേഷിക്കുക.
7. മറ്റ് ഹിഡൻ ചാർജസ് ഇല്ല എന്നും ഉറപ്പുവരുത്തുക.
8. കോൺട്രാക്ട് എഗ്രിമെൻറ് വ്യക്തമായ രീതിയിൽ തയ്യാറാക്കുക.

കോൺട്രാക്ട് എഗ്രിമെൻറ് എഴുതുമ്പോൾ ശ്രദ്ധിക്കേണ്ട കാര്യങ്ങൾ.

1.കോൺട്രാക്ടിൽ, നിങ്ങളുടെയും, കരാറുകാരന്റെയും പേരും, മുഴുവൻ മേൽ വിലാസവും എഴുതുക. സർവ്വേ നമ്പർ ഉൾപ്പടെയുള്ള മുഴുവൻ ഡീറ്റെയിൽസും ഉൾക്കൊള്ളിക്കുക.
2. പഞ്ചായത്ത് / മുൻസിപ്പാലിറ്റി / കോർപ്പറേഷൻ തുടങ്ങിയ തദ്ദേശ സ്വയംഭരണ
സ്ഥാപനങ്ങളിൽ നിന്നും നിങ്ങൾക്ക് ലഭിച്ച നിങ്ങളുടെ വീടിൻറെ പ്ലാനും ത്രീഡി എലിവേഷനും ഇതോടൊപ്പം അറ്റാച്ച് ചെയ്യുക.
3. മേൽപ്പറഞ്ഞ ത്രീഡി എലിവേഷൻ ഉണ്ടെങ്കിൽ വീടിൻറെ എക്സ്റ്റീരിയറുമായി ബന്ധപ്പെട്ട് ഭാവിയിൽ എന്തെങ്കിലും സംശയങ്ങളോ, തർക്കങ്ങളോ ഉണ്ടായാൽ ഒരു പരിധിവരെ ഇത് ഒരു പരിഹാരം ആയിരിക്കും.
4. കരാർ എഴുതുമ്പോൾ പ്രോജക്ടിന്റെ ഓരോ ഫെയ്സും അതിൽ വ്യക്തമാക്കണം. നിലവിൽ ഏത് സ്റ്റേജ് ആണ് കരാർ ചെയ്യപ്പെടുന്നതെന്നും, അതിന് ഏതുതരം മെറ്റീരിയൽസ് ആണ് ഉപയോഗിക്കുന്നതെന്നും മറ്റും വിശദമായി രേഖപ്പെടുത്തണം.
5. കോൺട്രാക്ടർ പെയ്മെൻറ് പീരിയഡ് വ്യക്തതയോടെ ഉൾക്കൊള്ളിക്കണം. നിങ്ങൾ എത്ര തുക കോൺട്രാക്ടർക്ക് നൽകുമെന്ന് ആദ്യമേ തന്നെ ഉറപ്പിച്ചിരിക്കണം ഉദാഹരണത്തിന് ഫൗണ്ടേഷൻ തീരുമ്പോൾ ഇത്ര തുക, പ്ലാസ്റ്ററിംഗ് കഴിയുമ്പോൾ ഇത്ര, ഫിനിഷിംഗ് വർക്കിന് മുമ്പേ ഇത്ര എന്നൊക്കെ.
6. പ്രോജക്ട് കാലാവധി എത്രയെന്നും, എപ്പോൾ തീർക്കും എന്നും വളരെ വ്യക്തമായി കാണിച്ചിരിക്കണം.